Беларуская тэнісістка Вікторыя Азаранка з перамогі стартавала на выніковым турніры ў Стамбуле з прызавым фондам 4,9 млн. долараў ЗША.
Вечарам 24 кастрычніка першая ракетка свету за 3 гадзіны 6 хвілін выйграла ў немкі Ангелікі Кербер (5) — 6:7 (11:13), 7:6 (7:2), 6:4. У другой партыі Азаранка адыграла два матч-болы.
Статыстыка сустрэчы: брэйк-пойнты — 5/15 : 4/6, эйсы — 2:8, двайныя памылкі — 4:4, працэнт розыгрышу мячоў на першай падачы — 66:63, працэнт выйгрышу першай падачы — 70:66, другой падачы — 56:43.
У другім паядынку Чырвонай групы амерыканка Серэна Уільямс (3) перамагла кітаянку На Лі (8) — 7:6 (7:2), 6:3.
25 кастрычніка Азаранка згуляе з Уільямс, якая з 11 сустрэч з беларускай выйграла 10.
Дзмітрый Уласаў,
БелаПАНМінск, 25 кастрычніка 2012
