Найбольшая колькасць прыбыўшых арганізаваных турыстаў і экскурсантаў прыпадала на расійскіх грамадзян (57 працэнтаў). Сярод іншых краін лідарамі па колькасці наведванняў Беларусі былі Літва, Польшча, Латвія, Украіна, Германія, Кітай, Іспанія, Эстонія, Вялікабрытанія, Ізраіль. Сярэдняя працягласць знаходжання замежных турыстаў у Беларусі ў 2018 годзе склала 5 дзён.

Колькасць арганізаваных турыстаў і экскурсантаў, якія выехалі за мяжу, у мінулым годзе склала 850,7 тыс. чалавек. У краіны СНД арганізавана выехалі 20 працэнтаў, в ЕС - 28 працэнтаў, іншыя краіны - 52 працэнты. Найбольш папулярнымі краінамі былі Егіпет, Турцыя, Украіна, Балгарыя, Расія, Іспанія, Польшча, Грэцыя, Грузія, Чарнагорыя, Чэхія, Літва і Італія (туды адправіліся 88,1 працэнта тых, хто выехаў за мяжу).

Прадаўжае развівацца ўнутраны турызм. Так, у 2018 годзе колькасць арганізаваных турыстаў унутры краіны склала 65,2 тыс. чалавек, экскурсантаў - 942,6 тыс. чалавек.

У 2018 годзе ў гасцініцах і аналагічных сродках размяшчэння пражывалі 2007,3 тыс. чалавек. З іх беларусы склалі 48 працэнтаў, грамадзяне з іншых дзяржаў - 52 працэнты, у тым ліку з краін СНД - 35 працэнтаў.

У санаторыях і іншых спецыялізаваных сродках размяшчэння ў мінулым годзе было размешчана 840,3 тыс. чалавек, замежныя грамадзяне склалі 229 тыс. чалавек, або 27 працэнтаў ад агульнай колькасці размешчаных.

Паводле даных Міністэрства па падатках і зборах, на канец 2018 года працавалі 2054 суб`екты аграэкатурызму. Іх паслугамі ў мінулым годзе скарысталіся 422,3 тыс. чалавек, з іх 90 працэнтаў - беларусы.

Па стане на канец 2018 года турыстычнай дзейнасцю ў Беларусі займаліся 1482 арганізацыі.

4 сакавіка 2019, Мінск
БЕЛТА