Максім Мірны і Дэніел Нестар выйшлі ў паўфінал тэніснага турніру серыі "Мастэрс" у Мадрыдзе з прызавым фондам 3.090.150 еўра.
У першым крузе першыя ракеткі свету ў парным разрадзе былі свабодныя, у другім 10 мая выйгралі ў іспанцаў Давіда Марэра (24) і Фернанда Вердаска (63) — 6:3, 7:6 (7:4), а ў трэцім 11 мая — "пасеяных" пад пятым нумарам індыйца Леандэра Паеса (7) і чэха Радэка Штэпанека (13) — 6:3, 6:7 (2:7), 10:2 (тай-брэйк).
Наступныя сапернікі Мірнага і Нестара — палякі Марыюш Фырстэнберг і Марцін Маткоўскі, якія дзеляць 10-е месца ў рэйтынгу і маюць чацвёрты нумар "пасеву" ў Мадрыдзе.
Летась беларус і канадзец дайшлі да чвэрцьфіналу гэтых спаборніцтваў. Мірны выйграў турнір у 2003 годзе з індыйцам Махешам Бхупаці.
Дзмітрый Уласаў,
БелаПАНМінск, 11 мая 2012
