На сталічнай «Палова-арэне» сёння праходзіць другі дзень турніру па баскетболе 3×3 сярод мужчынскіх і жаночых моладзевых зборных. Шэсць жаночых і восем мужчынскіх каманд размяркуюць узнагароды ў паўфінальных і фінальных сутычках.
Па выніках першага тыдня ІІ Гульняў краін СНД у скарбонцы беларускай каманды 161 медаль і другі радок агульнага заліку. На першым месцы Расійская Федэрацыя, чые спартсмены заваявалі 204 медалі.
Баксёрскі турнір II Гульняў краін СНД прымае Лядовая арэна Оршы. За ўзнагароды змагаюцца прадстаўнікі Беларусі, Азербайджана, Арменіі, Кыргызстана, Расіі, Таджыкістана, Туркменістана, Узбекістана, Ірана і Пакістана.
На ІІ Гульнях краін СНД разыграны першы камплект узнагарод у сучасным пяцібор`і, турнір праходзіць на базе Беларускага дзяржаўнага ўніверсітэта фізічнай культуры.
На гэтым тыдні дзве беларускія тэнісісткі выступяць на буйным турніры ў Манрэалі, а ў Арыны Сабаленкі будзе чарговая магчымасць наблізіцца да статусу першай ракеткі свету.
