У паядынку 1/8 фіналу беларуска, якая займае 67-е месца ў сусветным рэйтынгу, упэўнена перайграла ў двух сэтах казахстанскую тэнісістку Зарыну Дыяс, у якой 107-я пазіцыя - 6:3, 6:2. На старце Вікторыя Азаранка ўзяла верх над японкай Мію Като (514-ы нумар рэйтынгу WTA) - 6:4, 6:2, а ў чвэрцьфінале сустрэнецца з расіянкай Настассяй Паўлючэнкавай (33).

Дзясяты нумар сусветнага рэйтынгу Арына Сабаленка завяршыла выступленне на турніры ў амерыканскім Чарльстане і не змагла прабіцца ў 1/4 фіналу. У 3-м раўндзе яна ўступіла прадстаўніцы Пуэрта-Рыка Моніцы Пуіг (63) - 2:6, 5:7. У сваім першым паядынку Арына Сабаленка перамагла ўкраінку Кацярыну Казлову (99) - 3:6, 6:3, 6:3.

У чвэрцьфінале парнага разраду беларуска-японскі дуэт Лідзія Марозава / Сюко Ааяма па ўсіх артыкулах уступіў нямецка-польскаму тандэму Анна-Лена Гронефельд / Алісія Расольска - 0:6, 1:6.

5 красавіка 2019, Мінск
БЕЛТА