У сувязі з тэрактам у міжнародным аэрапорце Стамбула МЗС Беларусі рэкамендуе турыстам, якія знаходзяцца на адпачынку ў Турцыі, адмовіцца ад наведвання "месцаў з вялікай колькасцю людзей, якія могуць стаць мішэнню тэрарыстаў". 

Яна адзначыла, што "захоўваюць сваю актуальнасць ранейшыя рэкамендацыі для грамадзян Беларусі ўстрымлівацца ад наведвання паўднёва-ўсходніх правінцый Турцыі".

"У асноўных курортных зонах Турцыі абстаноўка з`яўляецца стабільнай і кантраляванай. Праваахоўныя органы краіны прымаюць усе неабходныя меры для забеспячэння бяспекі турыстаў", — сказала яна.

Паводле апошніх звестак, у выніку тэракту ў стамбульскім аэрапорце Атацюрка загінуў 41 чалавек, яшчэ 239 атрымалі раненні. У ліку загінулых 13 замежнікаў.

Ірына Турчына, БелаПАН
Мінск, 29 чэрвеня 2016