17 чэрвеня яны збіраюцца прыбегчы ў беларускі горад Талачын,  далей у Оршу,  Барысаў, Мінск, Мар’іну Горку, Бабруйск, Жлобін і Гомель. Пасля гэтага ўдзельнікі забегу накіруюцца ва Украіну.

Прысвечаны забег 1150-годдзю зараджэння расійскай дзяржаўнасці і 200-годдзю Перамогі над Напалеонам у вайне 1812 года. Пры гэтым яго ўдзельнікі бягуць не толькі пад дзяржаўнымі сцягамі Беларусі, Расіі і Украіны, але і пад расійскімі імперскімі сцягамі. Забег атрымаў блаславенне Рускай Праваслаўнай Царквы.

Склад удзельнікаў забегу даволі спецыфічны. У ім нават прыняў удзел вядомы расійскі нацыст Максім Марцінкевіч (Цясак).

Як паведамляюць арганізатары забегу, яго мэта — прапаганда цвярозага і здаровага ладу  жыцця, умацаванне дружбы паміж брацкімі народамі Расіі, Беларусі і Украіны, а таксама прадстаўнікамі шматнацыянальнага насельніцтва Расійскай Федэрацыі.

Еўрарадыё,  17 чэрвеня 2012