Ініцыятыўная група складаецца з Ігара Кускова і цэлай кампаніі жанчын.

— Мы паспрабуем навучыцца зарабляць грошы, — гаворыць лідар.

Адну хату Ігар Фёдаравіч атрымаў у спадчыну.

— Можа, было б лепш прадаць хату? Не, грошай хопіць з заробку, ды ад падсобнай гаспадаркі. Хочацца паспрабаваць, — а ці атрымаецца ў нас.

Іншую хату каля сажалкі кампанія плануе ўзяць у арэнду, бо бабулю, якая там жыла, сваякі забралі ў горад. Наступныя месяцы трэба будзе прысвяціць рамонту жылля. З забаў турыстам прапануюць рыбалку, экспазіцыю этнаграфічнага музея ў мясцовым доме культуры і традыцыйную сялянскую ежу. Святлана Анікеева бярэцца забяспечваць людзей смачнымі харчамі, а бабуля Наста гатовая расказваць пра старадаўнія традыцыі вёскі. Будучыя гаспадары аграсядзібы настроеныя аптымістычна і мяркуюць першых гасцей прыняць ужо 1 чэрвеня. Ініцыятарам праекта стаў раённы інфацэнтр па ўстойлівым развіцці і экатурызме.

Ілона Іванова
Звязда
19 сакавіка 2011