Сёння ў першым паўфінальным матчы другая ракетка планеты сустракалася з чацвёртым нумарам сусветнага рэйтынгу амерыканкай Коры Гаўф і перамагла — 1:6, 6:4, 6:4. Паядынак доўжыўся 2 гадзіны 29 хвілін. Ушчэнт прайграўшы першы сэт, Сабаленка саступала ў другой партыі 2:4, але здолела пераламаць ход паядынку і вырвала перамогу. У заўтрашнім вырашальным паядынку саперніцай беларускі будзе пераможца гульні паміж кітайскімі тэнісісткамі Чжэн Цыньвэнь (7-ы нумар рэйтынга WTA) і Сіньюй Ван (51).
На гэтым турніры Сабаленка абыграла ў двух сэтах чэшскую тэнісістку Кацярыну Сінякову — 6:4, 6:4 (37), потым адолела ў трохсэтавым паядынку прадстаўніцу Казахстана Юлію Пуцінцаву (35) — 1:6, 6:4, 6:0, а ў чвэрцьфінале перайграла ў дзвюх партыях польку Магдалену Фрэш (27) — 6:2, 6:2.
Арына Сабаленка з’яўляецца двухразовай пераможцай гэтых спаборніцтваў — яна выйгравала іх у 2018 і 2019 гадах. Цяперашні турнір фінішуе 13 кастрычніка. Чэмпіёнка заробіць 1000 рэйтынгавых балаў і $525,1 тыс.
Звязда, 12 кастрычніка 2024
