Найти
 
 


Беларускія плыўцы Павел Санковіч і Ілья Шымановіч сталі прызёрамі этапа Кубка свету ў Токіа


Павел Санковіч і Ілья Шымановіч у Токіа ўвайшлі ў лік прызёраў этапа Кубка свету ў 25-метровым басейне.
На дыстанцыі 50 м батэрфляем Павел Санковіч з рэзультатам 22,81 сек. заняў другое месца. Апярэдзіць беларуса змог толькі Чад ле Кло з ПАР - 22,49 сек. Трэцяе месца заняў Андрэй Говараў з Украіны - 22,96 сек.

Бронзавай узнагароды на дыстанцыі 100 м брасам удастоіўся Ілья Шымановіч, які праплыў дыстанцыю за 57,15 сек. Першым фінішаваў японец Ясухіра Касекі - 56,49 сек., другім стаў Кірыл Прыгода з Расіі - 56,71.

Этап Кубка свету па плаванні прадоўжыцца ў Токіа 15 лістапада. Далей турнір пройдзе ў Сінгапуры. Раней этапы Кубка свету адбыліся ў Маскве, Берліне, Эйндховене, Ганконгу і Досе, дзе таксама ўдала выступалі Павел Санковіч і Ілья Шымановіч.

Па выніках усіх этапаў пераможцы і прызёры агульнага рэйтынгу атрымаюць грашовыя ўзнагароды. У бягучым сезоне агульны прызавы фонд спаборніцтваў складае $2 млн.

14 лістапада 2017, Мінск
БЕЛТА
 
Дата публикации:14.11.2017
Тематика:Новости, Спорт и Туризм
Просмотров:25
 
Ключевые слова:
Кубок мира Плавание Спорт в Беларуси
 
 


Комментарии



 



Другие новости по этой теме