https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Зборная Беларусі па міні-футболе выйграла турнір у Іране


Гульцы зборнай Беларусі па міні-футболе сталі пераможцамі міжнароднага турніру ў іранскім Мешхедзе.
У заключным матчы 3 снежня беларусы ва ўпартай барацьбе нанеслі паразу гаспадарам спаборніцтваў чэмпіёнам Азіі і бронзавым прызёрам ЧС іранцам з лікам 3:2. Ужо на зыходзе першай мінуты госці апынуліся ў ролі даганяючых, але не збіраліся здавацца. Да перапынку Сяргей Крыкун і Антон Гусакоў забілі два мячы, у самым пачатку другога тайма іранцы зраўнавалі лік, а потым Уладзімір Жыгалка забіў пераможны мяч.

На старце турніру падапечныя Аляксандра Савінцава перамаглі каманду Славакіі з лікам 4:1. Зборная Ірана ў першым туры згуляла ўнічыю з камандай Славакіі - 5:5.

Падагульняючае становішча: Беларусь - 6 пунктаў (розніца мячоў - 7-3), Іран - 1 (7-8), Славакія - 1 (6-9).

Для зборнай Беларусі гэты турнір стаў адным з этапаў падрыхтоўкі да элітнага раўнду адборачнага турніру чэмпіянату свету. У пачатку 2020 года беларусы адправяцца ў Партугалію, дзе іх сапернікамі па групе А будуць гаспадары турніру, а таксама каманды Італіі і Фінляндыі.

4 снежня 2019, Мінск
БЕЛТА
 
Дата публикации:04.12.2019
Тематика:Новости, Спорт и Туризм
Просмотров:50
 
Ключевые слова:
Спорт в Беларуси Мини-футбол
 
 


Комментарии



 



Другие новости по этой теме