Беларускую каманду на турніры прадставілі медалістка чэмпіянатаў свету Анастасія Салас і прызёрка буйных міжнародных форумаў Дар’я Ткачова. Перамогу ў самым прэстыжным відзе праграмы-мнагабор’і — атрымала Салас, якая набрала за чатыры практыкаванні 136,300 бала. Ткачова заняла другое месца з вынікам 123,600.

Таксама беларускі выйгралі ўсе фіналы асобных відаў: Анастасіі не было роўных у практыкаваннях з абручом, мячом і стужкай, а Дар’я стала наймацнейшай у кампазіцыі з булавамі, дзе Салас была срэбранай прызёркай. Акрамя таго, Ткачова два разы падымалася на другую прыступку п’едэстала і яшчэ аднойчы на трэцюю.

Звязда, 13 кастрычніка 2024