У скарбонцы беларускай каманды — тры залатыя, тры сярэбраныя і два бронзавыя медалі.

Чэмпіёнамі Еўропы на дыстанцыі 500 метраў сталі беларуская каноэ-двойка ў складзе Камілы Бобр і Дарыны Касцючэнкі, байдарка-чацвёрка (Маргарыта Махнева, Аляксандра Грышына, Вольга Худзенка, Марына Літвінчук) і Маргарыта Махнева і Марына Літвінчук на дыстанцыі 200 метраў у гонцы байдарак-двоек. 

Сярэбраныя медалі заваявалі дуэт байдарачнікаў Віталь Бялько/Раман Петрушэнка на дыстанцыі 1.000 метраў, канаіст Аляксандр Козыр на дыстанцыі 200 метраў і пара Дзмітрый Рабчанка/Аляксандр Валчэцкі (каноэ, 200 метраў).

Бронзу на дыстанцыі 500 метраў заваявала беларуская каноэ-двойка ў складзе Глеба Саладухі і Дзяніса Маклая і дуэт-байдарачнікаў Віталь Бялько/Раман Петрушэнка.

Алесь Ляўчук, БелаПАН
Мінск, 3 мая 2015