23 жніўня ў фінальным матчы жаночага парнага разраду Ірына Шымановіч і ўкраінка Ангеліна Калініна абыгралі расійскі дуэт Дар`я Касаткіна / Настасся Камардзіна ў двух сэтах - 6:4, 6:4.

Акрамя гэтага серабра ў актыве юных беларускіх алімпійцаў яшчэ дзве ўзнагароды: золата Хрысціны Стараселец, якая стала чэмпіёнкай у класе лодак-адзіночак на дыстанцыі 1000 м у акадэмічным веславанні, і серабро дзюдаіста Дзмітрыя Мінькова ў складзе змешанай інтэрнацыянальнай каманды.

У летніх юнацкіх Алімпійскіх гульнях прымаюць удзел 34 беларускія атлеты ў 16 відах спорту. Спаборніцкая праграма завершыцца 27 жніўня.

25 жніўня 2014, Мінск
БЕЛТА