Ганна Сола заняла другое месца ў гонцы з масавым стартам. Яна нядрэнна пераадолела дыстанцыю, аднак на агнявых рубяжах у спартсменкі былі прамашкі. У выніку беларуска адстала ад прадстаўніцы Расіі Анастасіі Гардзеевай, і тая прыйшла да фінішу першай. Трэцяй стала расіянка Лізавета Капліна.

Антон Смольскі заваяваў срэбра. Толькі на фінішы ён саступіў Карыму Халілі (Расія). Бронзавая ўзнагарода ў беларуса Мікіты Лобастава.

Першы Кубак Міжнароднай лігі клубнага біятлона ў Ханты-Мансійску працягнецца 19 лістапада, на гэты дзень запланаваны гонкі праследавання. Прызавы фонд спаборніцтваў складае 8 млн расійскіх рублёў (больш за 270 тыс.беларускіх).

Звязда, 18 лістапада 2023