Сёння на п`едэстал спаборніцтваў падняліся двое нашых штангістаў. У вагавой катэгорыі да 73 кг у спартсменаў не старэйшых за 20 гадоў лепшы рэзультат паказаў Міхаіл Серада. У рыўку беларус узяў 127 кг, а ў штуршку - 163 кг, падагульняючая сума склала 290 кг, што ўсяго на адзін кілаграм лепш за расіяніна Тамерлана Гуліева, які заняў другое месца. У гэтай жа катэгорыі, але сярод юніёраў да 18 гадоў бронзу заваяваў Артур Шчогалеў. За два практыкаванні наш штангіст набраў 275 кг (125+150).

Такім чынам, пасля шасці дзён першынства Расіі па цяжкай атлетыцы на рахунку беларускай каманды 16 узнагарод - дзевяць залатых, пяць срэбных і дзве бронзавыя. Раней пераможцамі спаборніцтваў у Майкопе сталі Марыя Гайдук (U18, да 49 кг), Вольга Велімовіч (U18, да 55 кг), Вольга Галынская (U18, да 59 кг), Яўгенія Кандрашова (U18, да 64 кг), Паліна Пагуляева (U20, да 76 кг), Алена Бондарава (U20, да 87 кг), Раман Глухоўскі (U18, да 55 кг) і Артур Якушаў (U18, да 67 кг). Турнір у Рэспубліцы Адыгея завершыцца 19 лістапада.

16 лістапада 2023, Мінск
БЕЛТА