Беларус Сяргей Мартынаў заняў другое месца на этапе Кубка свету па кулявой стральбе ў Мюнхене ў стральбе з малакалібернай вінтоўкі са становішча лежачы з дыстанцыі 50 метраў.
На спаборніцтвах, што прайшлі 25 мая, беларус паказаў вынік 702,1 бала. Пераможцам стаў кітайскі стралок Ван Вей (704,0).
На мінулым тыдні Мартынаў, які ўзначальвае сусветны рэйтынг у гэтай дысцыпліне, выйграў этап Кубка свету ў Мілане, а ў красавіку першынстваваў на этапе ў Лондане. Мартынаў з`яўляецца двухразовым бронзавым прызёрам Алімпійскіх гульняў: у 2000 і 2004 гадах.
23 мая яшчэ адзін беларус Ілья Чаргейка заняў другое месца на этапе ў Мюнхене ў стральбе з пнеўматычнай вінтоўкі з дыстанцыі 10 метраў.
Аляксандр Ванковіч,
БелаПАНМінск, 25 мая 2012
