Максім Мірны (3-е месца ў парным рэйтынгу) і Дэніэл Нестар (4) завяршылі выступленне на тэнісным турніры ў Лондане з прызавым фондам 627.700 еўра.
11 чэрвеня ў паўфінале "пасеяны" пад другім нумарам беларуска-канадскі дуэт з лікам 7:6 (9:7), 6:7 (6:8), 8:10 (тай-брэйк) прайграў індыйцам Махешу Бхупаці (5) і Леандэру Паесу (11), якія маюць трэці нумар "пасеву".
Для Мірнага і Нестара гэта быў другі за дзень матч. У чвэрцьфінале яны перамаглі "пасеяных" пад сёмым нумарам шведа Роберта Ліндстэта (16) і румына Хорыа Тэкау (13) — 6:3, 3:6, 10:7 (тай-брэйк).
Дзмітрый Уласаў,
БелаПАНМінск, 12 чэрвеня 2011
