Азаранка і Сабаленка засталіся на ранейшых месцах, Сасновіч апусцілася на 5 пазіцый у рэйтынгу WTA

Арына Сабаленка засталася на другім месцы ў абноўленым 31 ліпеня рэйтынгу Жаночай тэніснай асацыяцыі (WTA).

На мінулым тыдні Сабаленка не гуляла, і ў яе актыве зараз 8845 ачкоў. Вікторыя Азаранка знаходзіцца на 19-м месцы, а Аляксандра Сасновіч страціла пяць пазіцый і перамясцілася на 75-ы радок. На гэтым тыдні Вікторыя Азаранка выступіць на турніры ў Вашынгтоне, у першым раўндзе яе саперніцай будзе ўкраінская тэнісістка Эліна Світоліна, у якой 27-е месца ў сусветным рэйтынгу.

Топ-10 рэйтынгу WTA:

1. Іга Свёнтэк (Польшча) — 9490 балаў;

2. Арына Сабаленка (Беларусь) — 8845;

3. Алена Рыбакіна (Казахстан) — 5465;

4. Джэсіка Пегула (ЗША) — 5395;

5. Унс Джабір (Туніс) — 4846;

6. Каралін Гарсія (Францыя) — 4685;

7. Коры Гаўф (ЗША) — 3390;

8. Петра Квітава (Чэхія) — 3341;

9. Марыя Сакары (Грэцыя) — 3310;

10. Маркета Вандроўшава (Чэхія) — 3106.

У рэйтынгу Асацыяцыі тэнісістаў-прафесіяналаў (АТР) лепшы з беларускіх тэнісістаў Ілля Івашка страціў месца ў першай сотні і апусціўся на 119-е месца.

Першая дзясятка рэйтынгу АТР:

1. Карлас Алькарас (Іспанія) — 9225;

2. Новак Джокавіч (Сербія) — 8795;

3. Данііл Мядзведзеў (Расія) — 6520;

4. Каспер Рууд (Нарвегія) — 4985;

5. Стэфанос Цыцыпас (Грэцыя) — 4850;

6. Хольгер Рунэ (Данія) — 4825;

7. Андрэй Рублёў (Расія) — 4730;

8. Янік Сінер (Італія) — 3815;

9. Тэйлар Фрыц (ЗША) — 3515;

10. Фрэнсіс Тыяфа (ЗША) — 3085.

Звязда, 31 ліпеня 2023