Адзін з галоўных турніраў зімовага сезона сабраў практычна ўсіх наймацнейшых лёгкаатлетаў краіны, за выключэннем скакуноў у вышыню Максіма Недасекава і Дзмітрыя Набокава, штурхальніцы ядра Алены Дубіцкай, лідара зборнай у бар’ерным бегу Віталя Парахонька і рэкардсмена Беларусі на дыстанцыі 1500 м Іллі Карнавухава. Усяго ў рамках Нацыянальнага форуму былі разыграны 32 камплекты ўзнагарод — па 16 у мужчын і жанчын. Чэмпіёнамі краіны ў выніку сталі наступныя лёгкаатлеты:

60 м: Максім Грабарэнка, Дзяніс Блізнюк і Эльвіра Грабарэнка;

60 м з бар’ерамі: Іван Хадатовіч і Эльвіра Грабарэнка;

200 м: Мікіта Жыгар і Яніна Луцэнка;

400 м: Марк Пацей і Ганна Міхайлава;

800 м: Ян Злом і Вольга Немагай;

1500 м: Вячаслаў Скубны і Таццяна Шабанава;

3000 м: Дзмітрый Іваненка і Іна Новік;

3000 м з перашкодамі: Дзмітрый Іваненка і Таццяна Шабанава;

Спартыўная хада, 5000 м: Мікіта Каляда і Анастасія Гарошка;

Спартыўная хада, 10000 м: Мікіта Каляда і Анастасія Гарошка;

Штурханне ядра: Дзмітрый Карпук і Алена Трус;

Скачок у даўжыню: Мікіта Лапаценка і Віялета Скварцова;

Трайны скачок: Максім Несцярэнка і Віялета Скварцова;

Скачок у вышыню: Мікіта Данілаў і Карына Дзямідзік;

Скачок з шастом: Мацвей Ваўкоў і Ірына Жук.

У мужчынскай эстафеце 4×400 м першынствавала каманда Гомельскай вобласці, у аналагічным відзе сярод жанчын лепшай стала зборная Брэсцкай вобласці. Далей беларускіх спартсменаў чакае адкрыты Кубак краіны па лёгкай атлетыцы ў памяшканні, які пройдзе 3 і 4 сакавіка гэтак жа ў Магілёве.

Звязда, 19 лютага 2023