Сярод іх былі пераможцы і прызёры Алімпійскіх гульняў, чэмпіянатаў і этапаў Кубка свету і Еўропы розных гадоў. Усяго ў ёй прынялі ўдзел 16 спартсменаў з Беларусі і Расіі. Гонка чэмпіёнаў прайшла ў фармаце адзіночнай змешанай эстафеты.
Па выніках спаборніцтваў наймацнейшымі сталі расіянка Кацярына Шумілава і беларус Сяргей Новікаў. На другім месцы апынуліся расіянка Кацярына Юрлова-Перхт і беларус Пётр Івашка. Бронзу ўзялі расіянка Вольга Падчуфарава і беларус Алег Рыжанкоў.
Пасля заканчэння Гонкі чэмпіёнаў для аматараў біятлона адбылася аўтограф-сесія для балельшчыкаў, падчас якой у іх была магчымасць пагутарыць і сфатаграфавацца са знакамітымі спартсменамі.
Звязда, 22 студзеня 2023
