Беларуска Марына Зуева стала першай на дыстанцыі 3 000 метраў на чэмпіянаце Расіі па канькабежным спорце, турнір праходзіць у Кемераве, паведаміла прэс-служба НАК рэспублікі.
Яна пераадолела дыстанцыю за чатыры хвіліны 13,45 секунды. Другой стала расіянка Яўгенія Лалянкова (чатыры хвіліны 13,59 секунды).
Яшчэ адна беларуска Ганна Дамарацкая на дыстанцыі 500 метраў (Ніфантава) замкнула тройку лідараў – 38,91 секунды. На вышэйшую прыступку п’едэстала гонару ўзнімалася расіянка Крысціна Сілаева (38,66), другой стала Ангеліна Голікава (38,83).
Сярод хлопцаў Ігнат Галавацюк на 500 метрах заняў пятае месца.
Чэмпіянат Расіі на асобных дыстанцыях завершыцца ў Кемераве 28 снежня. Удзел у турніры бяруць 160 наймацнейшых атлетаў з 25 суб’ектаў РФ і Беларусі.
У праграме спаборніцтваў прадугледжаны дыстанцыі 500, 1 000, 1 500, 3 000, 5 000, 10 000 метраў, мас-старт 16 кругоў, камандныя забегі на шэсць і восем кругоў, камандныя забегі – спрынт тры кругі.
Пасля абмежаванняў, якія ўвялі міжнародныя федэрацыі на пачатку гэтага года, расіяне і беларусы пачалі праводзіць сумесныя турніры і падрыхтоўку.
