Трэція Гульні будучыні пройдуць у 2026 годзе ў Казахстане, такая інфармацыя з’явілася на афіцыйным сайце спаборніцтваў.
Раней кіраўнік праекта Ігар Сталяроў паведамляў у сябе ў Telegram-канале, што на правядзенне наступных Гульняў будучыні таксама прэтэндавалі Перу і Чылі.
"Мы рады аб’явіць, што Казахстан правядзе Гульні будучыні 2026 года", - гаворыцца ў заяве прэс-службы спаборніцтваў.
Там адзначаецца, што Гульні з’яўляюцца галоўным святам фіджытал-відаў спорту, яны ўвасабляюць інавацыі, садружнасць і дынамічны дух спаборніцтва.
Перанос Гульняў
Як паведамлялася, у лютым гэтага года кіраўнік расійскай дзяржавы Уладзімір Пуцін падтрымаў прапанову казахстанскага лідара Касым-Жамарта Такаева правесці Гульні будучыні ў Казахстане ў 2025 годзе.
Аднак у красавіку прэс-служба міністэрства турызму і спорту рэспублікі паведаміла аб тым, што Такаеў даручыў перанесці правядзенне спаборніцтваў на 2026 год. Гэта было звязана з тым, што ў краіне адбылася маштабная паводка, якая прывяла да значнай шкоды, і спатрэбілася эканомія сродкаў бюджэту.
Гульні будучыні
Гульні будучыні – інавацыйныя міжнародныя спаборніцтвы па гібрыдных дысцыплінах у канцэпцыі фіджытал (physical+digital), якая аб’ядноўвае класічны спорт і кіберспорт ці VR/AR-тэхналогію.
Першыя Гульні будучыні адбыліся ў Казані і Сочы з 21 лютага па 3 сакавіка. На цырымоніі адкрыцця Гульняў будучыні прысутнічалі прэзідэнты Беларусі, Казахстана, Кыргызстана, Узбекістана і Таджыкістана.
У Гульнях прынялі ўдзел больш за дзве тысячы спартсменаў са 107 краін. Беларусь на спаборніцтвах была прадстаўлена ў сямі відах: фіджытал-баскетболе, фіджытал-хакеі, фіджытал-адзінаборствах, віртуальнай велагонцы, бітвах робатаў, "Міры танкаў" і Dota 2. Агульны прызавы фонд Гульняў будучыні складаў 10 млн долараў.
Другія Гульні будучыні пройдуць у ААЭ у 2025 годзе.
