Аб перспектывах супрацоўніцтва ішла размова ў час сустрэчы Надзвычайнага і Паўнамоцнага Пасла Беларусі ў ПАР Андрэя Молчана з генеральным сакратаром Сусветнай турысцкай арганізацыі Талебам Рыфаі, паведамілі ў прэс-службе МЗС.
Андрэй Молчан прадставіў інфармацыю аб развіцці турыстычнага сектара Беларусі, у прыватнасці сельскага і трансгранічнага турызму. Бакі абмеркавалі дынаміку і перспектывы пашырэння ўзаемных сувязей.
Талеб Рыфаі выказаў зацікаўленасць у актывізацыі супрацоўніцтва з Беларуссю, а таксама выказаў гатоўнасць аказаць нашай краіне тэхнічную дапамогу ў развіцці турыстычнай сферы.
Перагаворы прайшлі ў час 20-й сесіі генеральнай асамблеі Сусветнай турысцкай арганізацыі, якая 24-29 жніўня адбылася ў горадзе Вікторыя Фолс (Зімбабвэ) і горадзе Лівінгстан (Замбія).
29 жніўня 2013, Мінск
Аліна Грышкевіч -
БЕЛТА
