«На працягу чатырох месяцаў у рамках веламарафону „100 гарадоў да 100-годдзя ВНУ“ студэнты, выкладчыкі і выпускнікі БДУ правезлі сцяг па розных гарадах і знакавым месцам нашай краіны. Першы маршрут быў пракладзены па горадзе-герою Мінску і працягнуўся па веладарожцы ўздоўж набярэжнай ракі Свіслач, Нямізе да Музею гісторыі Вялікай Айчыннай вайны і галоўнага корпуса БДУ», — распавялі ў прэс-службе.

Усяго сцяг пабываў у 100 кропках Беларусі, прарабіў шлях даўжынёй больш за 5 тыс. км. «Яркай падзеяй стаў уздым сцяга на самую высокую горную вяршыню Расіі Эльбрус», — адзначылі ў ВНУ.

У рамках цырымоніі адбудзецца ўзнагароджанне ўсіх удзельнікаў веламарафону памятным медалём. Таксама ў гэты дзень можна будзе азнаёміцца з сувенірамі з месцаў, у якіх пабываў сцяг БДУ.

Арганізатарам акцыі выступіў Студэнцкі гарадок БДУ.

Звязда, 29 верасня 2021