У чацвер удзельнікі ралі пераадолелі шлях з мангольскага Ховда ў Алтай, даўжыня спецучастка склала 385 км. лепшы вынік на этапе ў заліку грузавікоў паказаў экіпаж Багдана Карымава з расійскай каманды «КАМАЗ-майстар» (3 ч 50 мін 50 сек.), 39 секунд яму саступіў наш Сяргей Вязовіч. Яшчэ два беларускія грузавікі «МАЗ-СПОРТаўта» пад кіраваннем Віталя Мурылёва і Аляксея Вішнеўскага сталі шостым і сёмым адпаведна.

Перад стартам сёмага этапу экіпаж Сяргея Вязовіча займаў другое месца ў агульным заліку, адстаючы ад лідара Дзмітрыя Сотнікава на 3 хвіліны і 1 секунду. Сёння беларус абышоў расійскага гоншчыка на 3 хвіліны і 6 секунд, дзякуючы чаму зноў узначаліў генеральную класіфікацыю, але з адрывам усяго ў 5 секунд. Чацвёрку лепшых на дадзены момант замыкае экіпаж Віталя Мурылёва.

Заўтра пілотаў чакае кальцавы этап са стартам і фінішам у Алтаі, працягласць спецучастка роўная 314 км. Усяго ў гэтым годзе «Шаўковы шлях» складаецца з 11 этапаў, пераможцы ралі-марафону вызначацца 15 ліпеня ва Улан-Батары.

Звязда, 11 ліпеня 2024