Прывабнасць беларускай сталіцы падвысілася дзякуючы бязвізаваму рэжыму, а таксама міжнародным спартыўным спаборніцтвам, якія пройдуць у 2019 годзе.
Адной з прычын, па якіх варта наведаць Мінск, стануць другія Еўрапейскія гульні, лічыць брытанскае выданне Independent.
Журналісты склалі рэйтынг, які складаецца з дзесяці еўрапейскіх гарадоў, якія найбольш падыходзяць для падарожжаў у 2019 годзе. Першае месца ў гэтым своеасаблівым топ-10 заняла беларуская сталіца.
Independent матывуе свой выбар тым, што з 21 па 30 чэрвеня ў Мінску будуць праходзіць II Еўрапейскія гульні. Пры гэтым у Беларусі працуе 30-дзённы бязвізавы рэжым, што спрашчае падарожжа для замежных турыстаў.
Брытанскія журналісты адзначаюць, што гасцей беларускай сталіцы здзівіць Стары горад, дзе яны знойдуць "мноства хіпстарскіх кафэ і кактэйль-бараў". Да таго ж таблоід адзначае, што турыстаў напэўна здзівіць тое, наколькі Мінск чысты, бяспечны і прыязны горад.
Акрамя Мінска ў рэйтынг увайшлі Ратэрдам (Нідэрланды), Сітжэс (Іспанія), Арль (Францыя), Сараева (Боснія), Рым (Італія), Дыснэйлэнд у Парыжы, Бялград (Сербія), Венецыя (Італія), Брысталь (Вялікабрытанія).
Мінск, 6 студзеня 2019
Sputnik
