Вікторыя Азаранка (9-е месца ў рэйтынгу) выбыла з барацьбы на Уімблдонскім турніры.
23 чэрвеня ў 1/64 фіналу беларуская тэнісістка, якая нядаўна паправілася пасля траўмы, перамагла харватку Мір`яну Лучыч-Бароні (108) — 6:3, 7:5, а 25 чэрвеня ў другім раўндзе ўступіла Баяне Ёваноўскі з Сербіі (45) — 3:6, 6:3, 5:7. У вырашальным сэце Азаранка прайгравала 1:4, здолела зраўнаваць лік — 5:5, аднак наступныя два геймы аддала саперніцы
Найвышэйшым дасягненнем беларускай спартсменкі на Уімблдоне з`яўляецца выхад у паўфінал у 2011 і 2012 гадах. У мінулым сезоне яна таксама выбыла ў другім крузе.
Дзмітрый Уласаў,
БелаПАНМінск, 25 чэрвеня 2014
