Восьмае паражэнне запар пацярпелі баскетбалісты клуба "Цмокі-Мінск" у Адзінай лізе ВТБ.
22 лютага беларуская каманда прайграла ў гасцях "Астане" з лікам 82:99 (16:27, 24:23, 16:29, 26:20).
У табліцы групы В "Цмокі-Мінск" займаюць дзявятае месца сярод 10 каманд (чатыры перамогі, 10 паражэнняў, розніца ачкоў 1097-1154).
Наступную сустрэчу беларускія баскетбалісты правядуць 8 сакавіка на выездзе з "Хімкамі".
У фінальную частку паводле вынікаў двухкругавога турніру выходзяць шэсць лепшых каманд груп А і В.
Дзмітрый Уласаў,
БелаПАНМінск, 22 лютага 2014
