У першым у 2013 годзе рэйтынгу Жаночай тэніснай асацыяцыі прадстаўніца Беларусі Вікторыя Азаранка захавала лідарства. На яе рахунку 10.595 ачкоў.
Другую пазіцыю займае Марыя Шарапава (Расія) — 10.045, трэцюю — Серэна Уільямс (ЗША) — 9.750. У пяцёрку мацнейшых уваходзяць таксама полька Агнешка Радваньска (7.505) і немка Ангеліка Кербер (5.550).
На мінулым тыдні Азаранка выступіла на турніры ў Брысбене (Аўстралія) з прызавым фондам 1 млн. долараў ЗША. У 1/8 фіналу яна выйграла ў немкі Забіне Лісіцкі (37) — 6:3, 6:3, у чвэрцьфінале — у Ксеніі Пярвак з Казахстана (103) — 6:1, 6:0, а ў паўфінале з-за інфекцыі не змагла выйсці на корт супраць Серэны Уільямс.
Азаранка з`яўляецца лепшай 27 тыдняў запар (з 9 ліпеня 2012 года). Усяго на яе рахунку 46 тыдняў на чале рэйтынгу ВТА.
Дзмітрый Уласаў,
БелаПАНМінск, 7 студзеня 2013
