Зборная Беларусі з лікам 13:5 выйграла ў каманды Венгрыі 30 студзеня ў стартавым матчы чэмпіянату свету па хакеі з мячом у групе В, які праходзіць у Казахстане.
У другой сустрэчы першага гульнявога дня Нідэрланды ўзялі верх над Латвіяй — 6:2.
1 лютага Беларусь будзе сапернічаць з Латвіяй, 2-га — з Канадай, 3-га — з Нідэрландамі.
Пераможца групы пераходзіць у групу А. Летась Беларусь заняла першае месца ў другім дывізіёне, але ў стыкавым матчы прайграла амерыканцам, якія занялі апошняе месца ў першым дывізіёне.
Дзмітрый Уласаў,
БелаПАНМінск, 30 студзеня 2012
