У новым рэйтынгу Кубка федэрацыі, апублікаваным 18 красавіка, жаночая зборная Беларусі па тэнісе ўзнялася з 19-га на 13-е месца.
У мінулыя выхадныя беларуская каманда атрымала пуцёўку ў 2-ю Сусветную групу КФ, перамогшы ў плей-оф эстонак — 5:0. У сваю чаргу саперніцы апусціліся ў рэйтынгу з 13-га на 17-ты радок.
У топ-10 рэйтынгу ўваходзяць Італія, Расія, Чэхія, ЗША, Бельгія, Іспанія, Сербія, Украіна, Германія і Аўстралія. На 11-м месцы Славакія, на 12-м — Швейцарыя.
Дзмітрый Уласаў,
БелаПАНМінск, 18 красавіка 2011
