Удзел у гонцы прынялі 29 спартсменак, у тым ліку лідары нашай нацыянальнай каманды Дзінара Смольская і Ганна Сола. На двух агнявых рубяжах са становішча лежачы Смольская абмахнулася па разе, з другой стралковай сесіі беларуска ішла дзявятай. Дзякуючы чыстай першай стойцы і хуткаму лыжнаму ходу Дзінара ўзначаліла гонку. На апошняй стральбе наша спартоўка дабавіла штрафны круг, з якога выйшла другой за Вікторыяй Сліўко. На заключнай пятлі Смольская абышла расіянку і ў выніку фінішавала першай з запасам 7 секунд. Тройку замкнула Ганна Грыгор`ева, Ганна Сола сышла з дыстанцыі.

8 верасня 2024, Мінск
БЕЛТА