"У 2016 годзе я арганізаваў аўтапрабег "Германія за дружбу з Расіяй". Мне дапамагалі ў гэтым мае паплечнікі, прафесар Райнер Ротфус і Сяргей Фільберт. У 2016 і 2017 гадах мы двойчы заязджалі ў Мінск па дарозе назад з Масквы ў Берлін. Ужо тады мы проста ўлюбіліся ў ваш горад. Мы былі ў захапленні ад чысціні яго вуліц, прыемна здзіўлены прыгажосцю і ўтульнасцю паркаў і сквераў, а таксама тым, якія сімпатычныя, дружалюбныя і стыльныя людзі тут жывуць. І ў гэтым годзе, калі мне ўдалося чатыры дні запар правесці ў Мінску, я лішні раз у гэтым пераканаўся", - сказаў Ове Шатаўэр.

Ён дадаў: "Мы з сябрамі засталіся пад уражаннем ад Мінска. Але не толькі ад сталіцы, а яшчэ ад Брэста і ў цэлым ад вашай краіны. Каго б мы ні сустракалі ў дарозе, усе праяўлялі да нас дружалюбнасць. Нават пагранічнікі ўсміхаліся нам, калі мы перасякалі пагранпераход. Гэта незвычайна".

12 снежня 2022, Мінск
БЕЛТА