Срэбныя ўзнагароды ў гонках байдарак-двоек на 500 м выйгралі Мікіта Борыкаў і Дзмітрый Натынчык. Канчатковы вынік беларусаў - 1 мін 32,47 сек. Абысці іх змог толькі іспанскі дуэт Радрыга Германдэ і Маркуса Вальца - 1 мін 31,82 сек. Трэцяе месца занялі байдарачнікі з Украіны Алег Кухарык і Дзмітрый Даніленка - 1 мін 33,9 сек.

Медалі аналагічнай вартасці ў стартах каноэ-адзіночак на дыстанцыі 500 м выйграў Максім Пятроў - 1 мін 53,25 сек. Апярэдзіць беларуса змог толькі нямецкі атлет Морыц Адам - 1 мін 53,22 сек. Трэцяе месца заняў Хасэ Рамон Пельера Кордава з Кубы - 1 мін 53,85 сек.

У гонках каноэ-адзіночак у жанчын на 5000 м срэбны медаль выйграла Вольга Клімава з вынікам 25 мін 49,31 сек. Золата на рахунку чылійскай спартсменкі Марыі Майльярд - 25 мін 5,17 сек. Трэцяе месца за сабой пакінула кубінка Ярыслейдзіс Дзюбуа - 25 мін 59,76 сек.

У стартах байдарак-чацвёрак на 500 м Марына Літвінчук, Надзея Папок, Вольга Худзенка і Іна Саўчук таксама сталі ўладальніцамі срэбра. Іх фінішны час - 1 мін 38,37 сек. Першынствавалі немкі - 1 мін 36,75 сек. Трэцяя пазіцыя ў датчанак - 1 мін 38,96 сек.

Бронзавым медалём скарбонку ўзнагарод зборнай Беларусі на этапе Кубка свету ў Венгрыі папоўнілі Мікіта Борыкаў, Дзмітрый Натынчык, Уладзіслаў Літвінаў, Аляксей Місючэнка ў стартах байдарак-чацвёрак на 500 м - 1 мін 23,93 сек. Абагнаць беларускі квартэт змаглі толькі сапернікі з Іспаніі - 1 мін 22,15 сек, а таксама нямецкі экіпаж - 1 мін 22,80 сек.

17 мая 2021, Мінск
БЕЛТА