Прэзідэнт Беларусі Аляксандр Лукашэнка 4 лютага падпісаў указ нумар 40 па пытаннях далейшага рэгулявання аграэкатурызму, дапрацаваны ўрадам па выніках нарады ў кіраўніка дзяржавы 21 студзеня 2021 года.
Дакументам прадугледжана прадаўжэнне да 2025 года існуючых умоў вядзення гаспадарчай дзейнасці ў сферы аграэкатурызму, уключаючы льготнае крэдытаванне ў ААТ «Белаграпрамбанк» у памеры да 2 тыс. базавых велічынь пад 5 працэнтаў гадавых на тэрмін да 5 гадоў. Уладальнікі бізнесу таксама атрымалі права аказваць паслугі на тэрыторыі дзвюх аграэкасядзіб. Удакладнены парадак спынення такой дзейнасці і прадастаўлення справаздачнасці.
Гэтыя меры прыняты ў мэтах паляпшэння занятасці і ўмоў жыцця грамадзян у сельскай мясцовасці, удасканалення сельскай інфраструктуры.
Звязда, 4 лютага 2021
