Пра гэта паведаміў міністр па гандлі ЕЭК Андрэй Сляпнёў 29 лютага на прэс-канферэнцыі ў Маскве.
"Было прынята рашэнне аб стварэнні рабочай групы, якая магла б ужо заняцца канкрэтнымі пытаннямі, звязанымі з далучэннем", — цытуе Сляпнёва РІА Новости.
Гэтых пытанняў, паводле слоў міністра, нямала. "Гэта праца зараз у самым пачатку, пра якія-небудзь вынікі казаць рана", — дадаў ён. Разам з тым "ёсць разуменне, што гэты шлях трэба прайсці".
Сляпнёў нагадаў, што Мытны саюз быў сфарміраваны ў межах ЕўрАзЭС і Кыргызстан з`яўляецца яго ўдзельнікам. "А ЕўрАзЭС ствараўся з самага пачатку для фарміравання Мытнага саюза, — падкрэсліў ён. — У гэтым плане заяўка Кыргызстана з`яўляецца паслядоўным крокам на шляху рэалізацыі гэтай мэты".
Вясной 2011 года Кыргызстан заявіў пра пачатак працэдуры ўступлення ў Мытны саюз, створаны Беларуссю, Казахстанам і Расіяй.
Марына Носава,
БелаПАНМінск, 29 лютага 2012
