Дэпутаты Дзярждумы Расіі прынялі адмысловую заяву па "беларускім пытанні". Яны выказалі ўпэўненасць, што кан`юктурныя палітычныя інтарэсы, якія сталі браць верх падчас распачатай у Беларусі перадвыбарнай кампаніі, не павінны прывесці да падрыву саюзніцкіх стратэгічных адносін паміж нашымі краінамі і "ўбіць клін у цесны саюз двух братэрскіх народаў".
"Выкарыстоўваная ў цяперашні час кіраўніцтвам Рэспублікі Беларусь антырасійская рыторыка выклікае здзіўленне і поўнае непрыманне ў расійскага народа, ідзе насуперак з агульнагістарычным лёсам рускага і беларускага народаў, супярэчыць духу шматвяковых культурных і эканамічных сувязяў, нашаму ладу жыцця і мыслення", - цытуе РІА "Новости" заяву.
Прэзідэнт РФ Дзмітры Мядзведзеў у нядзелю ў сваім відэаблогу змясціў зварот, у якім заявіў, што кіраўніцтва Беларусі спрабуе зрабіць з Масквы аднаго з галоўных ворагаў Мінска. Таксама Мядзведзеў адзначыў, што перадвыбарная кампанія Лукашэнкі пабудаваная на антырасійскіх сюжэтах.
Дэпутаты падтрымліваюць пазіцыю, выказаную прэзідэнтам Расіі, і лічаць недапушчальным выкарыстоўваць у якасці разменнай манеты ўвесь той пазітыў, які дзесяцігоддзямі ствараўся сумеснай працай расіян і беларусаў.
6 кастрычніка 2010
Еўрарадыё
