Сталі вядомыя вынікі цэнтралізаванага тэставання (ЦТ) па беларускай мове. На 100 балаў напісалі 42 асобы.

Абітурыенты пісалі тэставанне па беларускай мове 11 чэрвеня. На апрацоўку бланкаў і падлік вынікаў у Рэспубліканскага інстытута кантролю ведаў (РІКВ) сышло крыху больш за дзесяць дзён.

Вынікі ЦТ па беларускай мове сталі вядомыя ў нядзелю. Першымі пра свае балы даведаліся абітурыенты, падпісаныя на смс-рассылку. Традыцыйна, на сайце РІКВ вынікі з`яўляюцца крыху пазней.

На ЦТ па беларускай мове запісвалася каля 22 тысяч абітурыентаў.

Якая колькасць не з`явілася на выпрабаванне, чыноўнікі не ўдакладнялі. Абітурыенты, якія прапусцілі тэставанне па ўважлівай прычыне, змогуць здаць яго ў адзін з рэзервовых дзён.

Як чакаецца, ужо ў пачатку наступнага тыдня стануць вядомыя вынікі самага масавага ЦТ - па рускай мове.

Мінск, 23 чэрвеня 2019
Sputnik