Як паведамляе прэс-служба БДУ, адпаведны загад № 817 ад 4 лістапада 2014 года падпісаны ў Міністэрстве адукацыі паводле ўзгаднення з Вышэйшай атэстацыйнай камісіяй. 

Навучанне рэзідэнтаў Беларусі і замежных грамадзян будзе ажыццяўляцца на вочнай і завочнай форме, а таксама шляхам спашукальніцтва. 

Мяркуецца, што маладыя вучоныя будуць праводзіць фундаментальныя даследаванні па будове, біялогіі, фізіялогіі і біяхіміі паразітаў. Практычная значнасць спецыяльнасці заключаецца ў распрацоўцы навуковых асноў па барацьбе з паразітамі і выкліканымі імі хваробамі ў чалавека, жывёл і раслін, якія цягнуць вялікія страты ў медыцынскай і сельскагаспадарчай галінах. 

Як адзначылі ў прэс-службе, адкрыццё новай спецыяльнасці стала магчымым дзякуючы "шматгадовай і выніковай навуковай дзейнасці" ў галіне паразіталогіі супрацоўнікаў біялагічнага факультэта ВНУ і вучэбна-навуковага цэнтра "Нарачанская біялагічная станцыя імя Р.Р.Вінберга" БДУ. Асаблівую ролю вучоныя адводзяць барацьбе з цэркарыёзным дэрматытам, які з`яўляецца актуальнай праблемай для многіх беларускіх і еўрапейскіх вадаёмаў.

Анастасія Салановіч, БелаПАН
Мінск, 25 лістапада 2014