https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Мінадукацыі рэкамендуе выпускнікам замест запуску паветраных шароў пасадзіць кветкі і дрэвы


Мінадукацыі рэкамендуе школьнікам у час апошняга званка і выпускнога вечара не запускаць у неба паветраныя шары, а пасадзіць кветкі або дрэвы.
Ведамства даручыла аблвыканкамам і кіраўнікам устаноў адукацыі правесці растлумачальную работу з навучэнцамі па пытаннях бяспечных паводзін на мерапрыемствах, гаворыцца ў загадзе нумар 270 ад 8 красавіка 2020 года, размешчаным на афіцыйным сайце.

У ведамстве нагадваюць, што распіццё алкагольных і слабаалкагольных напояў не дапускаецца. У час масавых гулянняў на гарадскіх вуліцах і ў парках, сустрэч світання выпускнікоў будуць суправаджаць педработнікі і законныя прадстаўнікі навучэнцаў.

Апошні званок для навучэнцаў IX, XI класаў устаноў агульнай сярэдняй адукацыі Мінска празвініць 29 мая, астатніх рэгіёнаў - 30 мая. Выпускныя вечары з уручэннем атэстатаў у школах запланаваны на 10 або 11 чэрвеня. У асобных выпадках выпускны вечар можа праводзіцца ва ўстановах дадатковай адукацыі дзяцей і моладзі, установах культуры.

Час, працягласць мерапрыемстваў, а таксама канкрэтная дата і месца выпускнога вечара вызначаюцца рашэннем, якое прымае кіраўнік установы агульнай сярэдняй адукацыі з удзелам бацькоўскага камітэта і па ўзгадненні з мясцовым выканаўчым і распарадчым органам.

9 красавіка 2020, Мінск
БЕЛТА
 
Дата публикации:09.04.2020
Тематика:Культура, Образование в Беларуси
Просмотров:27
 
Ключевые слова:
Выпускной вечер Озеленение
 
 


Комментарии



 



Другие новости по этой теме