https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


Моладзевыя праекты ў галіне Мэтаў устойлівага развіцця прадставілі студэнты БДУ


Абмеркаванне ідэй адбылося на закрыцці Маладзёжнага студэнцкага форуму па Мэтах устойлівага развіцця. Над распрацоўкай і канцэпцыяй ініцыятыў працавалі студэнты розных факультэтаў у складзе чатырох каманд.
Адна з агучаных ідэй накіравана на вырашэнне праблемы нерацыянальнага выкарыстання паперы пры падрыхтоўцы рэфератаў і курсавых работ. Для гэтага студэнты прапануюць алічбаваць вучэбныя работы з дапамогай укаранення дадзенай функцыі на Адукацыйным партале БДУ. Акрамя асноўнай задачы, на думку моладзі, дапрацоўка функцыянавання сайта дапаможа павысіць мабільнасць студэнтаў і выкладчыкаў.

Таксама ў рамках форуму была прадстаўлена ўнікальная дыстанцыйная платформа для абмену ведамі паміж студэнтамі БДУ. Па задумцы распрацоўшчыкаў, яна будзе ўключаць сайт і чат-бот у «Тэлеграме». Праект задуманы па прынцыпе «роўны навучае роўнага» і разлічаны на сумесную работу студэнтаў, якія жадаюць атрымаць веды, і тых, хто валодае гэтымі ведамі. У выніку платформа дапаможа павысіць якасць адукацыі.

Распрацавалі студэнты і варыянты фірменнай прадукцыі Мэтаў устойлівага развіцця для БДУ. Прааналізаваўшы запыты студэнцкай аўдыторыі, каманда вылучыла майкі, ручкі, налепкі і шоперы як найбольш выгадныя для распаўсюджвання сярод студэнцкай моладзі. 

Яшчэ адна ініцыятыва студэнтаў — «Энергія ведаў» — заключаецца ў размяшчэнні блокаў з паўэрбанкамі для зарадкі мабільных прылад. На думку распрацоўшчыкаў, гэта дапаможа студэнтам заўсёды быць падключаным да інтэрнэту.

У прэс-службе ВНУ паведамілі, што ўсе праекты прымуць удзел у конкурсе «Найлепшы моладзевы праект БДУ». Кіраўніцтва над рэалізацыяй ідэй ажыццяўляе Студэнцкі савет Беларускага дзяржаўнага ўніверсітэта. 

Надзея Нікалаева
Звязда, 16 кастрычніка 2023
 
Дата публикации:16.10.2023
Тематика:Культура, Образование в Беларуси
Просмотров:213
 
Ключевые слова:
Белорусский государственный университет Цели устойчивого развития
 
 


Комментарии



 



Другие новости по этой теме