"73 новыя навучальныя выданні запланаваны да выпуску 1 верасня 2019 года. З іх 22 падручнікі знаходзяцца ў стадыі выдавецкіх арыгіналаў, так званых макетных узораў, якія яшчэ будуць праходзіць дадатковую падрыхтоўку, - сказала Людміла Раманоўская. - А 48 выданняў, якія павінны легчы на парты школьнікаў да пачатку навучальнага года, ужо надрукаваны".
З 2015 года вядзецца актыўнае абнаўленне зместу падручнікаў, а таксама паэтапны пераход на абноўленыя навучальныя праграмы. У 2019/2020 навучальным годзе па абноўленых навучальных праграмах і новых дапаможніках будуць навучацца дзевяцікласнікі.
"Да падручнікаў прад`яўляюцца важныя і строгія патрабаванні. Новыя навучальныя дапаможнікі павінны быць маляўніча ілюстраваны, змяшчаць інфармацыю ў розных формах (дыяграмах, схемах, табліцах), а таксама эфектыўна выконваць навігацыйную функцыю - гэта значыць змяшчаць знакі і сімвалы, якія адрасуюць вучня і педагога да іншых кампанентаў навучальна-метадычнага комплексу, у тым ліку і да рэсурсаў, што знаходзяцца ў інтэрнэце. Сёння новыя падручнікі - гэта прадукт партнёрства Нацыянальнага інстытута адукацыі, аўтарскіх калектываў і выдавецтваў Беларусі", - падкрэсліла намеснік дырэктара.
У выдавецтве "Вышэйшая школа" да пачатку навучальнага года выпушчана 17 найменняў тыражом практычна 310 тыс. экзэмпляраў. "Усяго запланавана 30 найменняў агульным тыражом больш за 500 тыс. экзэмпляраў. Астатнія 13 мы выпусцім да канца года, таму што па іх пачнуць займацца ў другім паўгоддзі", - расказаў дырэктар выдавецтва Аляксандр Нячай.
Ён адзначыў, што пачалі расці тыражы літаратуры па кітайскай мове. "Калі 2-3 гады таму выдавалі каля 200-300 экзэмпляраў, то цяпер выпускаюцца 600 і больш, што сведчыць аб павелічэнні цікавасці да кітайскай мовы", - растлумачыў дырэктар.
Выдавецтва "Аверсэв" на беларускім рынку працуе ўжо 25 гадоў.
"За бягучы год было падрыхтавана 167 новых аўтарскіх кніг, - сказаў дырэктар выдавецтва Дзмітрый Дэмбоўскі. - Пры гэтым у нас няма складальніцкіх выданняў. Таму мы праводзім вялікую работу з аўтарамі падручнікаў і навучальных дапаможнікаў, а таксама цесна супрацоўнічаем з Нацыянальным інстытутам адукацыі, якому ўдзячны як за дапамогу, так і за аб`ектыўную крытыку".
"Аверсэв" не толькі стварае падручнікі, але і на пастаяннай аснове ажыццяўляе рассылку дапаможнікаў усім метадыстам краіны.
"Так, за мінулы год мы бясплатна разаслалі 230 найменняў у колькасці ад 4 да 6 тыс. экзэмпляраў, каб настаўнікі маглі бачыць, якія падручнікі і дапаможнікі існуюць і што можна выкарыстоўваць у рабоце. Таксама мы пачалі развіваць новы напрамак - дашкольны. Вельмі важна, наколькі падрыхтаванымі дзеці прыйдуць у школу пасля дзіцячага сада. Сёння яны ўсе ўмеюць карыстацца гаджэтамі. Таму мы рыхтуем спецыяльныя дадаткі да навучальнага года", - дадаў дырэктар выдавецтва.
Акрамя таго, новыя падручнікі і дапаможнікі падрыхтавалі выдавецтвы "Народная асвета", "Адукацыя і выхаванне", а "Мастацкая літаратура" і "Беларуская Энцыклапедыя імя Петруся Броўкі" - шэраг выданняў для пазакласнага чытання і дадатковай адукацыі.
15 жніўня 2019, Мінск
БЕЛТА
З 2015 года вядзецца актыўнае абнаўленне зместу падручнікаў, а таксама паэтапны пераход на абноўленыя навучальныя праграмы. У 2019/2020 навучальным годзе па абноўленых навучальных праграмах і новых дапаможніках будуць навучацца дзевяцікласнікі.
"Да падручнікаў прад`яўляюцца важныя і строгія патрабаванні. Новыя навучальныя дапаможнікі павінны быць маляўніча ілюстраваны, змяшчаць інфармацыю ў розных формах (дыяграмах, схемах, табліцах), а таксама эфектыўна выконваць навігацыйную функцыю - гэта значыць змяшчаць знакі і сімвалы, якія адрасуюць вучня і педагога да іншых кампанентаў навучальна-метадычнага комплексу, у тым ліку і да рэсурсаў, што знаходзяцца ў інтэрнэце. Сёння новыя падручнікі - гэта прадукт партнёрства Нацыянальнага інстытута адукацыі, аўтарскіх калектываў і выдавецтваў Беларусі", - падкрэсліла намеснік дырэктара.
У выдавецтве "Вышэйшая школа" да пачатку навучальнага года выпушчана 17 найменняў тыражом практычна 310 тыс. экзэмпляраў. "Усяго запланавана 30 найменняў агульным тыражом больш за 500 тыс. экзэмпляраў. Астатнія 13 мы выпусцім да канца года, таму што па іх пачнуць займацца ў другім паўгоддзі", - расказаў дырэктар выдавецтва Аляксандр Нячай.
Ён адзначыў, што пачалі расці тыражы літаратуры па кітайскай мове. "Калі 2-3 гады таму выдавалі каля 200-300 экзэмпляраў, то цяпер выпускаюцца 600 і больш, што сведчыць аб павелічэнні цікавасці да кітайскай мовы", - растлумачыў дырэктар.
Выдавецтва "Аверсэв" на беларускім рынку працуе ўжо 25 гадоў.
"За бягучы год было падрыхтавана 167 новых аўтарскіх кніг, - сказаў дырэктар выдавецтва Дзмітрый Дэмбоўскі. - Пры гэтым у нас няма складальніцкіх выданняў. Таму мы праводзім вялікую работу з аўтарамі падручнікаў і навучальных дапаможнікаў, а таксама цесна супрацоўнічаем з Нацыянальным інстытутам адукацыі, якому ўдзячны як за дапамогу, так і за аб`ектыўную крытыку".
"Аверсэв" не толькі стварае падручнікі, але і на пастаяннай аснове ажыццяўляе рассылку дапаможнікаў усім метадыстам краіны.
"Так, за мінулы год мы бясплатна разаслалі 230 найменняў у колькасці ад 4 да 6 тыс. экзэмпляраў, каб настаўнікі маглі бачыць, якія падручнікі і дапаможнікі існуюць і што можна выкарыстоўваць у рабоце. Таксама мы пачалі развіваць новы напрамак - дашкольны. Вельмі важна, наколькі падрыхтаванымі дзеці прыйдуць у школу пасля дзіцячага сада. Сёння яны ўсе ўмеюць карыстацца гаджэтамі. Таму мы рыхтуем спецыяльныя дадаткі да навучальнага года", - дадаў дырэктар выдавецтва.
Акрамя таго, новыя падручнікі і дапаможнікі падрыхтавалі выдавецтвы "Народная асвета", "Адукацыя і выхаванне", а "Мастацкая літаратура" і "Беларуская Энцыклапедыя імя Петруся Броўкі" - шэраг выданняў для пазакласнага чытання і дадатковай адукацыі.
15 жніўня 2019, Мінск
БЕЛТА
