Тэрміны рэгістрацыі для праходжання ЦТ у рэзервовыя дні — 2-7 ліпеня.
Прайсці рэгістрацыю можна ў адным з устаноў адукацыі, якія вызначаны пунктамі рэгістрацыі. Як правіла, гэта і пункты правядзення ЦТ. Пры рэгістрацыі падаецца заява на адной з дзяржаўных моў — беларускай або рускай. Зрабіць гэта можна ў пісьмовай форме асабіста, а можна і падаць заяўку праз электронную форму на сайце РІКВ. Пасля аплаты прыёму і афармлення дакументаў абітурыенту абавязкова трэба падысці ў прапанаваны пункт рэгістрацыі і асабіста забраць пропуск (або пропуску) на ЦТ па выбраных прадметах не пазней за 1 чэрвеня.
Усяго будзе працаваць 41 пункт рэгістрацыі на ЦТ: у Брэсцкай вобласці гэта 4 ВНУ, у Віцебскай — 3 ВНУ і адзін каледж, Гомельскай — 5 ВНУ і каледж, Гродзенскай — 2 ВНУ і 2 каледжа, Мінскай — 3 каледжа, Магілёўскай — 4 ВНУ і 3 каледжа, у Мінску — 13 ВНУ. Пунктамі рэгістрацыі на ЦТ у рэзервовыя дні і яго правядзення выбраны 6 устаноў: БДУ, Беларуска-Расійскі ўніверсітэт у Магілёве, Брэсцкі дзяржаўны тэхнічны ўніверсітэт, Віцебскі дзяржаўны тэхналагічны ўніверсітэт, Гомельскі дзяржаўны тэхнічны ўніверсітэт ім. П. Сухога, Гродзенскі дзяржуніверсітэт ім. Я. Купалы.
ЦТ пачынаецца 14 чэрвеня з беларускай мовы. Далей 16 і 17 чэрвеня — тэсты па рускай мове, 19 чэрвеня — па грамадазнаўстве, 21 і 22 чэрвеня — па матэматыцы. Астатнія прадметы — біялогія, замежная мова, хімія, фізіка, гісторыя Беларусі, геаграфія, сусветная гісторыя — стартуюць з 24 чэрвеня і праходзяць праз дзень.
Рэзервовыя дні правядзення ЦТ: 12 і 14 ліпеня — па беларускай і рускай мовах, 12 і 16 ліпеня — па астатніх прадметах.
Час пачатку ЦТ у асноўныя і рэзервовыя дні — 11.00.
Звязда, 2 траўня 2022
