Падлеткам прапануецца падрыхтаваць тэзісы, рэферат, навуковы даклад па 14 геаграфічных тэмах на выбар: палеанталогія і эвалюцыйная геаграфія; картаграфаванне і ГІС-мадэляванне; ландшафтнае мадэляванне і экалагічны маніторынг; вывучэнне прыродных з’яў; краязнаўства, зялёны турызм і тапаніміка; турызм, эканамічная і сацыяльная геаграфія, палітычная геаграфія, геадэмаграфія; мінералогія і геалогія; геаграфічная культура і сусветная спадчына і іншыя.

Конкурс складаецца з двух тураў. Першы пройдзе ў завочным фармаце. Падрыхтаваныя работы трэба будзе накіраваць на электронны адрас, які ўдзельнікі атрымаюць пасля рэгістрацыі.

Другі тур арганізуюць 27 красавіка ў вочным фармаце на факультэце геаграфіі і геаінфарматыкі БДУ. Тут юныя географы выступяць з прэзентацыяй свайго навуковага даследавання і адкажуць на пытанні конкурснай камісіі.

Рэгістрацыя для ўдзелу ў конкурсе будзе адкрыта да 20 красавіка ўключна.

Арганізатарамі мерапрыемства выступаюць факультэт геаграфіі і геаінфарматыкі БДУ і Галоўнае ўпраўленне па адукацыі Мінскага абласнога выканаўчага камітэта.

Патрабаванні да афармлення і зместу конкурсных работ размешчаны на сайце факультэта геаграфіі і геаінфарматыкі.

Надзея Нікалаева
Звязда, 12 красавіка 2022