https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


Фестываль студэнцкіх атрадаў пройдзе ў Магілёве 5 жніўня


Абласны фестываль студэнцкіх атрадаў «Маладосць у байцоўцы» пройдзе ў Магілёве 5 жніўня. Пра гэта расказаў другі сакратар Магілёўскага абласнога камітэта БРСМ Алег Бойка.
«Маштабны фестываль будзе прысвечаны 60-годдзю беларускіх студэнцкіх атрадаў. У Магілёве на свята збяруцца больш за 150 прадстаўнікоў гэтага руху з усяго рэгіёну, — адзначыў ён. — Праграму мы зрабілі яркай і цікавай. Нашы конкурсы дапамогуць не толькі зарадзіць пазітывам і добрым настроем, але і нададуць святу невялікі спаборніцкі характар».

Удзельнікі студатрадаў Магілёўскай вобласці раскрыюць свой творчы патэнцыял на галоўнай сцэне свята. Пасля творчага спаборніцтва для дзяцей падрыхтавалі спартыўны этап — гэта будзе турнір па дартсе і камандныя спаборніцтвы па валейболе. Таксама трэба будзе прайсці эстафету.

Акрамя гэтага, на фестывалі будуць працаваць розныя інтэрактыўныя зоны, дзе можна будзе пазнаёміцца з гісторый студатрадаўскага руху, зрабіць бодзі-арт, стаць удзельнікам цікавых конкурсаў.

Па выніках фестывалю лепшыя студатрады атрымаюць памятныя падарункі.

«Студатрады з кожным годам набіраюць папулярнасць. І гэта выдатна, таму што рух аб’ядноўвае мэтанакіраваных, працавітых рабят. Студатрады даюць магчымасць не толькі асвоіць нейкія новыя навыкі, атрымаць за сваю працу годную заработную плату, — падзяліўся Алег Бойка. — Студатрад — гэта практычна сям’я, дзе кожны дапамагае і падтрымлівае адзін аднаго. Тут завязваецца сапраўднае сяброўства».

Звязда, 4 жніўня 2023
 
Дата публикации:04.08.2023
Тематика:Бизнес, Образование в Беларуси
Просмотров:117
 
Ключевые слова:
Магілёў Студенческий отряд Фэст культуры
 
 


Комментарии



 



Другие новости по этой теме