Навучальныя групы з ліку беспрацоўных камплектавалі на аснове заявак наймальнікаў, аналізу вакансій. «У выніку на прафесійнае навучанне і перападрыхтоўку накіравалі 842 беспрацоўных. Пры гэтым 65% з іх — пад заказ наймальніка», — адзначыў Пётр Шутько.

У цэлым жа з пачатку года ў органы па працы, занятасцi i сацыяльнай абароне рэгіёну звярнуліся больш за 25 тыс. чалавек, з якіх былі прызнаныя беспрацоўнымі 10,8 тыс. Службы занятасці ў студзені-лістападзе аказалі садзейнічанне ў працаўладкаванні 19 тыс. грамадзянам, у тым ліку 7,8 тыс. беспрацоўных.

Яшчэ больш за 320 беспрацоўным аказалі фінансавую падтрымку ў арганізацыі прадпрымальніцкай, рамеснай дзейнасці, а таксама ў сферы аграэкатурызму. Агульная сума прадастаўленых субсідый перавысіла Br948 тыс.

Звязда, 28 снежня 2020