На Дзіцячай чыгунцы пройдуць святочныя мерапрыемствы, прымеркаваныя да Дня ведаў. У цягніку і на станцыі Сасновы бор дзяцей будуць забаўляць аніматары і забаўныя роставыя лялькі.

Таксама для дзяцей правядуць пазнавальную віктарыну на чыгуначную тэматыку. У зале чакання станцыі Заслонава для пасажыраў Дзіцячай чыгункі будзе арганізавана тэматычная фотазона і выстава чыгуначнага мадэлявання.

Акрамя таго, 1 верасня гасцей свята на станцыі Заслонава з 12.00 да 13.00 яркімі нумарамі парадуюць аматарскія калектывы мастацкай самадзейнасці Культурна-спартыўнага цэнтра Мінскага аддзялення Беларускай чыгункі.

Тэматычныя цягнікі 31 жніўня — 1 верасня будуць курсаваць па Дзіцячай чыгунцы імя К.С.Заслонава з 11.00 да 16.47.

Звязда, 31 жніўня 2024