Адпаведны ўказ нумар 223 15 чэрвеня падпісаў Прэзідэнт Беларусі Аляксандр Лукашэнка, паведамілі ў прэс-службе кіраўніка дзяржавы.

Дакументам уносяцца дапаўненні і змяненні ва ўказ ад 25 сакавіка 2008 года нумар 174 "Аб удасканаленні дзейнасці Беларускага інавацыйнага фонду".

Указам прадугледжана наданне Белінфонду статусу суб`екта інавацыйнай інфраструктуры. Максімальны тэрмін карыстання грашовымі сродкамі, выдзеленымі Белінфондам арганізацыям на фінансаванне інавацыйных праектаў, павялічваецца з 5 да 7 гадоў, што дасць магчымасць пры неабходнасці зменшыць крэдытную нагрузку і павялічыць аб`ём сродкаў, што накіроўваюцца на выпуск распрацаванай прадукцыі.

Белінфонду прадастаўлена права долевага ўдзелу ў сумесным з ААТ "Расійская венчурная кампанія" фінансаванні венчурных праектаў на аснове дагавора аб сумеснай дзейнасці.

Гэта будзе садзейнічаць прыцягненню пазабюджэтных крыніц для рэалізацыі інавацыйных праектаў, камерцыялізацыі распрацовак беларускіх арганізацый і прасоўванню створанай прадукцыі на рынкі Расійскай Федэрацыі і ЕАЭС.

15 чэрвеня 2016, Мінск
БЕЛТА