Пастановай Савета міністраў Беларусі ад 7 жніўня 2014 года № 767 зацверджаныя правілы аказання кур`ерскіх паслуг, паведамляе Нацыянальны цэнтр прававой інфармацыі.
У адпаведнасці з правіламі аператар паштовай сувязі мае права ствараць аб`екты паштовай сувязі, у якіх аказваюцца кур`ерскія паслугі. У ліку іншых у аб`ектах паштовай сувязі павінна размяшчацца інфармацыя аб кур`ерскіх паслугах, тарыфах на іх, тэрмінах перасылкі і дастаўкі (уручэння) кур`ерскіх адпраўленняў на тэрыторыі Беларусі і за яе межамі, забароненых і абмежаваных да перасылкі прадметах і рэчывах, а таксама аб адказнасці аператараў паштовай сувязі перад карыстальнікамі кур`ерскіх паслуг.
Кур`ерскія паслугі аказваюцца на падставе дагавора, заключанага паміж аператарам паштовай сувязі і карыстальнікамі кур`ерскіх паслуг.
Правіламі таксама ўстаноўленыя забароненыя да перасылкі прадметы.
Пастанова набывае моц 13 жніўня 2014 года.
Марына Носава,
БелаПАНМінск, 12 жніўня 2014
